jeudi 26 mars 2020

ဒုၚ်တၠုၚ်ရအဴ

မုက်လိက်ဝွံဒှ်မုက်လိက်ပူဂဵုမွဲတုဲ သွက်ကောန်ဂကူတံ ညးမလုပ်ပံက်ဗှ်ဗဵုတံဂှ်လေဝ် အဲဝွံဒုင်တၠုင်ဒၟံင်လၟိုန်ရ၊ ဗဟုသုတနာနာ နဲကဲဆဵုဂဗနာနာ ဒှ်တဴသွက်ဂွံပါ်ပရအ်ကဵုကောန်ဂကူတံခိုဟ်မွဲတုဲ ချူကၠုင်ဗၠံက်ဏံကီုရ။

တ္ၚဲဏံကောန်ဂကူမန်ပိုဲ စိုပ်ကၠုင်ခေတ်(I.T)လ္တူလပှ်ကျာမွဲခေတ်တုဲ နဒဒှ်ပူဂဵုမွဲ ဟွံမံင်လအ်ဖေက်အခိင်အိုတ်အးအာတုဲ နဒဒှ်ပူဂဵုမၞိဟ်မွဲကေတ်ဂွံ ကၠောန်ဒှ် အာစိုပ်ဆဵုညာတ်ကေတ်သာ်ဏံတုဲ ဒှ်ကၠုင်မုက်လိက်ဝွံရ၊ ခေတ်လ္တူလပှ်ကျာတ္ၚဲဏံလေဝ် ဒၞာဲဒှ်ဖဵုကဵုသွက်ပူဂဵုလေဝ်ဟွံအောန်၊ ဒၞာဲဒှ်ဖဵုသွက်ဂကူဘာသာလေဝ်နွံဂၠိုင်ဒၟံင်တုဲ ဟွံဂံၚ်ဂ္ဇံၚုင်မွဲသာ်ဂှ် ဗဒှ်ကၠုင်မုက်လိက်နာနာ ၜိုတ်အစောန်စရာဲမၞိဟ်မွဲကၠောန်ဂွံဂှ်တှ်ေ ချူကၠုင်လ္ၚတ်ကၠုင်သိုက်သိုက်ၜိုတ်ထေက်ကြိုက်ကဵုအခိင်ရ။

ဒၞာဲပိုဲတံအာစိုပ်၊ ဒၞာဲပိုဲတံကၠောန်ဒှ်၊ ဒၞာဲပိုဲတံကေတ်ဂွံဂှ်တှ်ေ ဇၟာပ်ဇၟာပ်ကောန်ဂကူမန်ပိုဲသီုညးဖ္အိုတ်ဂှ် တာလျိုင်နွံဒၟံင်တုပ်တုပ်ရ၊ နဲကဲဗဂဵုလဟဵုဂကူဟီုဂှ်ပၠန်လေဝ် ၜိုတ်ဆမၞိဟ်ဓမ္မတာမွဲလေဝ် အခေါင်ဗဂဵုလဟဵုသွက်ဂကူဘာသာဇကုနွံပေင်ပေင်ရ၊ ၜိုန်ရညးတၞဟ်ဟွံကၠောန်တုဲပိုဲဏံလေဝ်ဟွံကၠောန်ကီုတှ်ေ ဒှ်နဲကဲပြံင်သၠာဲဗၠေတ်ဗၠေတ်မွဲရ။

တာလျိုင်မၞိဟ်မွဲထေက်ကဵုဒးကၠောန်ဂှ်လေဝ် ပိုဲကောန်ဂကူတံလ္ပဝိုတ်စအာအိုတ်ညိ၊ နဒဒှ်မၞိဟ်ဓမ္မတာမွဲကၠောန်အာစအိုတ်အာဂှ်တှ်ေ (ဒ:ဒှ်မၞိဟ်ခိုဟ်)မွဲဏောင်ဂှ် ဇၟာပ်ညးအဲဒးကေတ်တာလျိုင်မာန်ပေင်ပေင်ရ၊ ၜိုတ်ဆပိုဲကောန်ဂကူတံဒှ်အာမၞိဟ်ခိုဟ်မွဲဂှ် ဒှ်အာသဇိုင်မၞိဟ်ဆာန်ဂကူမွဲပေင်ပေင်ရ။

ပိုဲမၞိဟ်ဏံကၠုင်ဂျိုင်မံင်တ္ၚဲဏံဂှ် ယဝ်ဒးသၟာန်တှ်ေ (ဂျိင်ဒၟံင်တ္ၚဲဏံဂှ်မုဒးကၠောန်ရော)၊ သွဟ်ဍေံဂှ်လေဝ် ဗီုညးကဵုညးဂၠာဲတဴဟိုတ်ဖဵုနာနာသာ်ရ၊ ယဝ်ရအဲညးချူလိက်ဏံဒးသွဟ်ကဵုဂၠိဂၠိမ္ဂးတှ်ေ (ဂျိုင်ဒၟံင်တ္ၚဲဏံဂှ် ဒးကၠောန်ဖဵုခိုဟ်)မွဲဟေင်ရ။


(နဲကဲဗဂဵုလဟဵုဂကူမွဲမွဲဟီုဂှ် မၞိဟ်ခိုဟ်မွဲဟေင် ဗွဲတၟေင်ဒးနွံကၠာရ)



ချူလဝ်စၟတ်တ္ၚဲ ၁၁−၉−၂၀၁၉ တ္ၚဲဗုဒ္ဓဝါ။